مجمع للحطب

غيبي
في داخل عيوني وشوفي
وش بقى من ينابيعي حي
شوف غرامك كيف
يبس عروقي وكلي
وكيف صدر اصبح
مجمع للحطب يبس
شوفي
انه مابقى لي
غير الحكي
يصبرني عن غيابك 

بقبري

خلني
بمشي بدروب المدينه
خلني
بمشط ارصفت الشوارع
حافي القدم مجنون
هايم فيك مشتاق
وان طال بي خط السفر
لم اللى بقى مني وادفنه
وغطني بتراب بابك
تكفى طلبتك
نفس التراب اللي تدوسه بالقدم
حطه معي في مدفني
علني وانا بقبري
اضم التراب اللى مشى فوقه
نصفي الثاني اللى احبه
مشتاق 

هارب

جيت اشتكي لك
من جور الايام مجروح
جيتك وحامل هموم البشر فوقي
بالفرضه اوقف واتعزكز بمجدف
اسمع خريرك وفاض هملول موقي
همل واغرق رديني وزاد وحنا كفوفي
والبدر يشهد على ما اقول فوقي
مثناة ذا القعده على الشاطي وجودي
من نجد هااااارب ويردني خلاف شوقي 

الوعد

ميعادنا يابنت اللى تخبرين
صبحة اليوم وانا ما بعد نمت
انتظر عام وعن الوعد مالنت
مخفي طعوني ولا يوم بينت
صابني غصب وارتكي كل ما قمت 

اسمع دعاتي ياولي العرش يالله
دعوة سقيم والبلا بين الاضلاع
راح العشير اللى بحب عشقناه
غالي ترى وغيره رخيص ينباع
يالله طالبك رده لبيته ومرباه
والا اخذ عقلي وخل زين الاطباع
يروح حيث ما يبتغي ويتمتع ويرتاح
واانا بجنوني سالي عن كل الاوجاع

صوتك
دفا برد المشاعر والخفوق
والليالي المقبله صعبه على وش الحلول
ابتلونا بالفرق وقلت يمكنها تهون
واتصبر واثري من الفرقا جزاع وملول
مقدر اصبر عن مخاوتك ولو يوم
وبيجبروني ابتعد ذا هرج شخص مهبول
_______________________________

انا في غربتي بقايا انسان
يصيح ولا يسمع سوا الحرمان
حتى صدى صوته
رحل وان رجع يرجع بكتمان

_______________________________

جريت بالدعوه تالي الليل وابكيت
جدران بيتي من حر شي  سرابي
وارخيت دمعي للولي حامي البيت
وارجيه  رحمان يبدل وجعتي بنفراجي

________________________________

جرحي من الفرقا ترا شي عاااادي
ماشق جيبي  الا شي واحد
يوم قفوا بك وانا اشوف
ياليت روحي  نزعها الله
قبل يغدون
ولا ياليتني
مجنون
ولا ادري باللى جرالي
______________________________

هذا انا
رجعت احتضن ظلامك يا غرفتي
وحدي بين اسوار السجن
ناسي كل ابتساماتي والفرح
امسح دموعي بوسادتي
شريط الذكر يرافقني
ادفن آهتي والالم مع دمعتي
وصورتك في خيالي
هي اللى بقت لي
من حياتي
هذا انا رجعت
______________________________

ودي من كثر ضيقي والهموم
ارحل الى ابعد مدى
ارحل ادور قاتلي
واجيه واسن له السيوف
اسلمة روحي بيدي
بختياري ما حدن قد جبرني
غير شي قد جبرني
زعلت عشيرن احبه
ومن زعل عن عيني غاب
سافر وابعد الوجهه
حتى وداعه حرمني
اتبعه والا اتركه
والاكيد اني
ميت فيه واعشقه
واستغفر الله من كلام انطقه
ما يموت مخلوق
الا بكتاب ربي قدره
___________________________

عليك يا معتلي على العرش يا قادر
يا منشي من العدم خير مخلوق
يا مقسم عن قدرتك بالكاف والنون
اشكي لك اللى جرا لي من الشوق
وابدي كنين فاح والخلق يدرون
ولا همني لو قالو الناس مطفوق
اغليه وان ما ادركو وش يعني اغليه
 اثمنه بكل شي وغيره كل شي يباع بالسوق
واشريه وحده والخلايق يشوفون
حامض عليهم ما يطولونه ولو حتى بالذوق
____________________________

يتيم قالو له بوسط السعيدين 

انشد نشيد الام وابدع بتنشيد 

حطوه في موقف عسير التفاسير 

وغص من كثرة العذال ونظرت التهديد 

انشد وجر القاف وابدع بخلو التلاحين 

بس النهاية ماصفقو له مات من كثرت التنهيد 

--------------------------------------------

عودتني قبل المنام 

تقول تصبح على خير 

واليوم برقد 

دون دعوه جميله 

ياحي كابوس 

يموت به الزين والشين 

دام بدون دعوه 

ارحب بك انا الحين 

ورني موتي 

ياسيد المحبين 

روعتي بالنوم 

ارحم من فراقك 

------------------------------------------

مليت من صبري على القال والقيل 

ومخالف شروط سنيني  عليها 

من لا بغاني بطبعي الشين 

ما ابغيه لوطبوعه 

بريحة الهيل 

--------------------------------------

حياتي بجددها 

لو الثمن قرت العين 

ببدى بصفات الكتاب 

الجديده 

سطر بسطر 

وحروف بنظمها 

واسجل بها 

اللى اريده 

من غاب من صفحه 

ما يحضر بختها 

يبقى غياب 

وبالرصاص ومحيته 

قالها غير ي

وانا اقولها الان 

بنسى وبدفن 

جرحي اللى بيدي 

-------------------------------

ثار الغضب

 والسبب شي معتاد 

وحط حد للطريق الطويله 

بيديه هد البيت 

وبيديه 

خلى مكانه 

ان حل 

في كرسيك 

شخص بديلك 

تذكر انك 

بيديك كتبت النهاية 

ويدي لو بتردني لخلاف 

اقص يدي ولا اوقف طريقي 

القطار مايوقف 

لجل راكب طاح 

----------------------------------